टान निर्वाचन :पाण्डे  समूहद्वारा सहकोषाध्यक्षमा अधिकारीकाे उम्मेद्ववारी घोषणा

धादिङ । पदयात्रा (ट्रेकिङ) व्यवसायीको छाता संस्था ट्रेकिङ एजेन्सिज एसोसिएसन अफ नेपाल (टान) को आगामी भदौ १७ गते वार्षिक साधारण सभामार्फत नयाँ कार्यसमिति चयन हुँदै छ ।

नयाँ कार्यसमिति निर्वाचनका लागि अध्यक्षका प्रत्याशीहरूले छुट्टाछुट्टै प्यानल बनाएर उम्मेदवारी घोषणा गरेका छन् । अध्यक्षका प्रत्याशी सागर पाण्डे र राजेन्द्र प्रसाद सापकोटाले प्यानलसहित उम्मेदवारी घोषणा दिनुभएको छ।

पाण्डे समूहबाट सहकोषाध्यक्षमा डम्बर अधिकारीले उम्मेदवारी घोषणा दिनुभएको छ।

सन् २ हजार १५ देखि २ हजार १७ सम्ममा टानको कार्यसमिति सदस्य भएर काम गरिसक्नु भएको अधिकारी  नेत्रावती डबजाेङ गाउपालिका वडा नम्बर ५ का पुर्व वडा अध्यक्ष हुनुहुन्छ । उहाँले विभिन्न विद्यालयहरूमा आर्थिक सहयोग गर्नुको साथै गरिबी तथा  जेहेन्दार विद्यार्थीहरुलाई लत्ताकपडा तथा शैक्षिक सामाग्रीहरु प्रदान गर्दै आउनु भएको छ।

टानको निर्वाचनमा अध्यक्ष, पदाधिकारी र सदस्य गरी कूल २५ सदस्यीय कार्यसमितिमध्ये १७ जना निर्वाचित र बाँकी सदस्य मनोनीत गर्ने व्यवस्था रहेको छ ।