धादिङबेंसीबाट काठमाडौं जादै गरेको माइक्रोमा रुख ढल्यो,नौ जना घाइते

धादिङ । पृथ्वीराजमार्ग अन्तर्गत धादिङको गजुरी गाउँपालिका-५ पाेखरेखाेलामा गुडिरहेको माइक्रो बसमाथि रुख खस्दा ९ जना घाइते भएका छन् ।

धादिङबेंसीबाट काठमाडौं जादै गरेको बागमती प्रदेश ०१-००६ ख ६५१२ नम्बरको ईभी माइक्रो बसमाथि पहिरोसँगै रुख ढलेर बजारिदा ९ जना यात्रु घाइते भएका प्रहरीले जनाएको छ।

घाइतेमध्ये १ जनालाई उपचारका लागि काठमाण्डौ रिफर गरिएको छ भने बाँकी ८ जनाको स्थानीय अस्पतालमा उपचार भइरहेको र घाइते सबैको अवस्था सामान्य रहेको जिल्ला प्रहरी कार्यालय धादिङका सूचना अधिकारी मकेन्द्र कुमार मिश्रले जानकारी दिनुभयो ।

सुख्खा पहिरो खसेर केहीबेर अवरुद्ध भएको राजमार्ग अहिले खुलिसकेको छ।

घटनाको थप विवरण आउन बाँकी छ ।